ӑйсен вӗренекенӗсене олимпиадӑсемпе конкурссенче ҫӗнтерттерес, малти вырӑнсене йышӑнтарас ӗмӗтлӗ вӗрентекенсем кăрлач уйӑхӗн 22-мӗшӗнче Чӑваш Республикин наци библиотекине «Шкул ачисене чӑваш чӗлхипе тата литературипе олимпиадӑсемпе конкурсене хатӗрлесси» семинара пуҫтарӑнчӗҫ. Семинара Вĕренÿ институчĕн чăваш чĕлхипе литератури кафедри йĕркелерĕ.
Кафедра ертÿçин ĕçĕсене тăвакан Анна Егорова ертсе пынипе вӗрентекенсем пултаруллӑ ачасемпе ӗҫлемелли формӑсемпе тата мелсемпе паллашрĕç. Алена Ивановăпа Ольга Владимирова, И.Н. Ульянов ячĕллĕ Чăваш патшалăх университечĕн чăваш филологийĕпе культури кафедрин доценчĕсем, чӑваш чӗлхипе тата литературипе иртекен олимпиада ыйтӑвӗсен тытӑмӗпе паллаштарчӗҫ, пулма пултаракан йăнăшсенчен хăтăлма вĕрентрĕç.
Семинар хыççăн Наци библиотекин наци литературипе библиографи пайӗн ертӳҫи Галина Соловьева ертсе пынипе 3 выставкăпа паллашрĕç: «Раççей － Китай» поездпа Китая «кайса килчĕç», Çеçпĕл Мишшипе «тĕл пулчĕç», Геннадий Айхи тĕнчипе паллашрĕç. Наци библиотеки чăвашлăха упраса хăварас тата аталантарас енпе питĕ пысăк ĕç тунине тепĕр хут курса ĕненчĕç.
Семинар питӗ тухӑҫлӑ иртрӗ, унта пӗлӳ пухнисем пурте хӑйсен вӗренекенӗсене ҫӗнтерӳ патне ҫитерессе шанса тулли кӑмӑлпа кайрӗҫ.