Чăваш Республикин вĕренӳ институчĕ чăвашла сочиненисен конкурсне пĕтĕмлетрĕ. Кăçалхи конкурса Раççейри кил-йыш çулталăкне тата Чăваш Енри экологи культурин тата çут çанталăкпа перекетлĕ усă курнин çулталăкне халалланă. Çавна май конкурса хутшăнакансен сочинени çырма икĕ темăран пĕрне суйласа илме май пулчĕ: «Çемье – шанчăклă тĕрек», «Планета пуласлăхĕ – пирĕн алăра».

Конкурса муниципалитет тапхăрĕнче мала тухнă 9-11-мĕш классенче вĕренекен 28 ача хутшăнчĕ. Жюри ĕçсене пăхса тухса çĕнтерӳçĕсене палăртрĕ.

Конкурс çĕнтерӳçисем иккĕшĕ те Тăвай муниципалитет округĕнчи шкулсенчен пулчĕç: Васильева Ксения (Тăрмăш вăтам шкулĕ, 9 класс), Денисов Николай (Тушкил вăтам шкулĕ, 11 класс).

Призёрсен шутне 9-мĕш классен хушшинче Степанова Юлиана (Тăвай округĕн Тăрмăш шкулĕ), Антонова Дарья (Елчĕк вăтам шкулĕ), Александрова Анжела (Çĕрпӳ округĕн Чиричкасси шкулĕ), Севрикова Карина (Çĕнĕ Шупашкар хулин 18-мĕш лицейĕ), 10-11 классем хушшинче Миронов Евгений (Етĕрне хулин 3-мĕш шкулĕ), Яковлева Светлана (Куславкка округĕн Елчĕк шкулĕ), Михайлова Анна (Патăрьелĕн 2-мĕш шкулĕ), Ильина Аделина (Сĕнтĕрвăрри округĕн Урхас Кушкă шкулĕ) кĕчĕç.

Çĕнтерӳçĕсемпе призёрсене, вĕсен ертӳçисене пысăк çитĕнӳ тунă ятпа саламлатпăр! Малашне те сире хавхаланса ĕçлеме вăй-хал сунатпăр. 

Йĕркелӳ комитечĕпе çыхăнмалли мелсем:

Тел.: 8(8352)58-45-22, хушма номер: 143.

E-mail: chrio18@rchuv.ru; chrio6@mail.ru .