Вĕренÿ çулĕ пуçланасси нумаях та юлмарĕ. Шкул ачисене кăçал çĕнĕ кĕнекесем кĕтеççĕ. Чăваш кĕнеке издательстви çак кунсенче çĕнĕ вĕренÿ кĕнекисем кăларчĕ. Кĕçĕн классенче вĕренекенсем «Литература вулавĕ» кĕнекепе паллашĕç. Вĕренÿ хатĕрне В.И. Игнатьева, Н.Н. Чернова тата Л.В. Николаева авторсем хатĕрленĕ. Кĕнеке пуян содержаниллĕ, илемлĕ ÿкерчĕксемлĕ. Иккĕмĕш класс ачисем «Тăван шкул», «Кĕркунне çитрĕ», «Пирĕн кулленхи ĕç-хĕл», «Чĕр чун тĕнчи», «Хĕл çитрĕ», «Ăстасен çĕршывĕнче», «Пирĕн çемье», «Килсе çитрĕ çуркунне», «Çулла» темăсемпе паллашĕç. Виççĕмĕш классем вĕсемсĕр пуçне хăйсен ĕмĕчĕсем, пушă вăхăчĕ пирки тата Чăваш çĕршывĕ çинчен калаçĕç.